 |
التواصل اللغوى مع طفل التوحد |
الكلمات : تعملي منها قيمة وفائدة مع طفلك
من الاهمية بمكان ان يرى طفلك استخدامه للكلمات التي تمثل قيمة بالنسبة له . كيفية استجابتك للغة طفلك او محاولاته اللغوية يكون العامل الرئيسي لجعل الكلمات تكون مهمة بالنسبة له
بينما تحاولين العمل بجهد لانتاج لغة، طفلك يحتاج ان يرى اهمية وقوة الارتباط بين استخدام اللغة واخذ مايريد
هناك 5 مفاتيح استرتيجية تفتح شهية طفلك اكثر لاستخدام اللغة
1- تحركي بسرعة: لما ولدك يستخدم الكلمات مثل كورة ، اجري، امسكيني ... اتحركي بسرعة وجيبيها له ولبي له رغبته. لاتمشي على مهلك كانك بتمشي عالبحر !!!!!
اجري ، اذا يبغى شي من الرف اجري وجيبيله اياه ووجهك كله حماس وانبساط . احيانا تكون حركتنا عادية وبطيئة لما نبغى نعطي اولادنا شي يبغوه وطلبوه مننا باستخدام لغتهم . او ممكن نكون مشغولين ونقولهم بعدين انا مشغولة دحين.
حتى لو كنتي حاطة شيع النار طفيه فورا واتحركي ولبي له طلبه ,لا تفكري انك بكده بتزيديه دلع ، لاننا الان نبغى شي واحد تنمية اللغة
بس لما ولدك يبكي ويدفك بقوة ويكون في حالة غضب عشان ياخد اللي يبغاه فهذي حكاية تانية وراح نتكلم عنها بتفصيل اكثر في فصل اخر.
2- احتفلي باي لغة تستقبليها من ولدك: حنتكلم اكثر عن الاحتفال في احد الفصول القادمة. بس ما نبغى ننسى نذكر نفسنا باهميته .
دائما دائما دائما احتفلي بلغة ولدك احتفلي بكلماته احتفلي حتى بمقاطع الكلمات احتفلي بالجمل ، قوليله شيء مثل : شكرا جزيلا لانك استخدمت كلامك ، اتفضل >> واعطي طفلك الشيء اللي طلبه . ممكن تنوعي زي ما تحبي في اسلوبك للاحتفال بلغة ولدك
3- اطلبي اللغة: ممكن يكون ده الشيء شائع بين الامهات بس من خلال تجربتي وجدت الكثير من الامهات يعطوا اولادهم اللي يبغوه لما ياشروا او يدفعوا امهم او يبكوا لما تعرفي انه ولدك يقدر يتكلم بس ما يبغى ، ممكن انك تحاولي تميزي اللي يبغاه بواسطة هذه الانواع من الاشارات بدلا من استخدام الكلمات الفعلية .واقدر افهم احساسك وانتي تحاولي تقرئي وتستجيبي لكل هذه الاشارات الغير لفظية ، في المرة المقبلة توقفي لحظات واطلبي منه استخدام اللغة ( اوه انا عارفة انك تبغى شي كلمني وانا حجري واجيبلك اياه ) او قوليله ( قول كورة وانا على طول حنزلك اياها من فوق الرف
ملاحظة: فقط اطلبي اللغة لما يكون واضح على طفلك انه يبغى شيء معين عندما يكون مشترك معاكي وبالتالي هذا يمنحك النفوذ
4- استخدمي كلمات مفيدة: لما تختاري الكلمات اللي يقولها اختاري الكلمات اللي تمثل الاشياء اللي يستخدمها ولدك ( مكعبات ، كورة ، اكل ، نمر، اشرب ،...الخ) او افعال ممكن تكون مرحة ( مثل : اضغط ( يحبوا انك تضغطي على اجزاء جسمهم ) دغدغة ، اركب حصان ) انتي اختاري الكلمات الخاصة بطفلك اوا الافعال اللي يبغى يعملها معاكي ولدك ،
لا تختاري الكلمات الممنوعة او الغير متوفرة او ما تقدري تعطيها مثل ايس كريم - حلاوة او شارع يبغى يعدي الشارع باندفاع او شباك وخايفة عليه لا يطيح الكلمات الممنوعة واللي ما تقدري تعطيه اياها لا تطلبي منه انه يقولها
5- اعملي نفسك جاهلة: بالبلدي اعملي نفسك هبلة بشكل تدريجي :لما ولدك يتقدم وتتطور لغته لازم تتحلي بالمراوغة عشان تزيدي طول الجملة
فاذا قال كرة ابدئي بتعليمه كلمتين مثل ابغى كورة او كورة حمراء واذا هو يعرف يقول كلمتين اشتغلي على جملة من 3 كلمات وهكذا
اجري ، اذا يبغى شي من الرف اجري وجيبيله اياه ووجهك كله حماس وانبساط . احيانا تكون حركتنا عادية وبطيئة لما نبغى نعطي اولادنا شي يبغوه وطلبوه مننا باستخدام لغتهم . او ممكن نكون مشغولين ونقولهم بعدين انا مشغولة دحين.
حتى لو كنتي حاطة شيع النار طفيه فورا واتحركي ولبي له طلبه ,لا تفكري انك بكده بتزيديه دلع ، لاننا الان نبغى شي واحد تنمية اللغة
بس لما ولدك يبكي ويدفك بقوة ويكون في حالة غضب عشان ياخد اللي يبغاه فهذي حكاية تانية وراح نتكلم عنها بتفصيل اكثر في فصل اخر.
2- احتفلي باي لغة تستقبليها من ولدك: حنتكلم اكثر عن الاحتفال في احد الفصول القادمة. بس ما نبغى ننسى نذكر نفسنا باهميته .
دائما دائما دائما احتفلي بلغة ولدك احتفلي بكلماته احتفلي حتى بمقاطع الكلمات احتفلي بالجمل ، قوليله شيء مثل : شكرا جزيلا لانك استخدمت كلامك ، اتفضل >> واعطي طفلك الشيء اللي طلبه . ممكن تنوعي زي ما تحبي في اسلوبك للاحتفال بلغة ولدك
3- اطلبي اللغة: ممكن يكون ده الشيء شائع بين الامهات بس من خلال تجربتي وجدت الكثير من الامهات يعطوا اولادهم اللي يبغوه لما ياشروا او يدفعوا امهم او يبكوا لما تعرفي انه ولدك يقدر يتكلم بس ما يبغى ، ممكن انك تحاولي تميزي اللي يبغاه بواسطة هذه الانواع من الاشارات بدلا من استخدام الكلمات الفعلية .واقدر افهم احساسك وانتي تحاولي تقرئي وتستجيبي لكل هذه الاشارات الغير لفظية ، في المرة المقبلة توقفي لحظات واطلبي منه استخدام اللغة ( اوه انا عارفة انك تبغى شي كلمني وانا حجري واجيبلك اياه ) او قوليله ( قول كورة وانا على طول حنزلك اياها من فوق الرف
ملاحظة: فقط اطلبي اللغة لما يكون واضح على طفلك انه يبغى شيء معين عندما يكون مشترك معاكي وبالتالي هذا يمنحك النفوذ
4- استخدمي كلمات مفيدة: لما تختاري الكلمات اللي يقولها اختاري الكلمات اللي تمثل الاشياء اللي يستخدمها ولدك ( مكعبات ، كورة ، اكل ، نمر، اشرب ،...الخ) او افعال ممكن تكون مرحة ( مثل : اضغط ( يحبوا انك تضغطي على اجزاء جسمهم ) دغدغة ، اركب حصان ) انتي اختاري الكلمات الخاصة بطفلك اوا الافعال اللي يبغى يعملها معاكي ولدك ،
لا تختاري الكلمات الممنوعة او الغير متوفرة او ما تقدري تعطيها مثل ايس كريم - حلاوة او شارع يبغى يعدي الشارع باندفاع او شباك وخايفة عليه لا يطيح الكلمات الممنوعة واللي ما تقدري تعطيه اياها لا تطلبي منه انه يقولها
5- اعملي نفسك جاهلة: بالبلدي اعملي نفسك هبلة بشكل تدريجي :لما ولدك يتقدم وتتطور لغته لازم تتحلي بالمراوغة عشان تزيدي طول الجملة
فاذا قال كرة ابدئي بتعليمه كلمتين مثل ابغى كورة او كورة حمراء واذا هو يعرف يقول كلمتين اشتغلي على جملة من 3 كلمات وهكذا
سلم التواصل :
من ابتكار ويليام هوجان
خطوات سلم التواصل هي:
1- من البكاء والعويل ونوبات الغضب ودفع الام ,,الخ –الى – مقاطع من الكلمات مثل اورا لطلب الكورة2- من مقاطع الكلمات الى استخدام كلمة كاملة
3- من كلمة واحدة الى كلمتين الى كلمتين
4- من عدة كلمات الى جملة كاملة صحيحة
5- من جملة كاملة الى محادثة من حلقات
معنى كلمة حلقات هي هي عرض ما يعبر عنه او سؤال وولدك يجاوب ويستجيب لك ويرد عليكي لما تعرضي عليه او تساليه شيء
6- من حلقة واحدة الى عدة حلقات
7- من عدة حلقات الى محادثة كاملة بينك وبينه
بالنسبة للخطوات الثلاثة الاولى اللي ممكن تكون قريبة لمعظم اطفالنا اللي عندهم لغة قليلة او مرة ما عندهم لغة
اول شيء لازم تخلي بيئة ولدك مهيأة انه مو كل شيء يقدر يجيبه لنفسه بسهولة ، معظم الاطفال اللي اشتغلنا معاهم يعيشوا في بيوت يكون معظم اللي يحتاجوه قريب منهم يقدر يفتح الثلاجة وياخد اكله ممكن يروحوا صندوق الالعاب وياخدوا لعبتهم بنفسهم والمشكلة في هذه الحالة انه ما عندهم أي سبب كاطفال يعانوا من صعوبات اللغة عشان يحاولوا ينتجوا كلمة كاملة لما يكون باستطاعتهم انه يحصلوا على مبتغاهم بنفسهم
ومهما طلبتي منهم انهم يتكلموا وكل شيء موجود قدامهم فحتكون كده رحلة صعبة عليكي
كل شيء لازم يكون بعيد عن متناول يدهم ويكون عنده فرصة انه يشوفه قدامه ويقدر يطلبه منك . ويرسخ في باله انه الكلمات لها قوتها وطاقتها الفعالة لاخذ ما يريد وانتي لازم تعرفيه بقوة الكلمات
الشيء الثاني اللي لازم
تعرفيه بالنسبة للمرحلة البكرة من لغة ولدك .لازم تستجيبي لاي مقطع من كلمة مثل با او جا او أي مقطع كان واعملي كل اللي تقدري عليه عشان تميزي معنى لهذه الاصوات وتستجيبي له . خلي ولدك يستخدم هذه المقاطع ويشوف انها لها معنى ويقدر يتواصل بهاوفي اللحظة اللي يستخدم هذه المقاطع الصوتية تقدري تنتقلي للمرحلة اللي بعدها في سلم التواصل
الشيء الثالث بعد ما تعملي الخطوات اللي فاتت وتنجح معاكي ممكن تلاحظي انه ولدك اتحول لالة للطلب
معليش حيتعبك بطلباته شوية بس في الحقيقة يكون مرة روعة وهو بيتقدم خطوات في استخدام اللغة
لما ولدك يقدر ياخد اللي يبغاه عن طريق طلبه للشيء لغويا بشكل صحيح وقتها ننتقل للخطوة اللي بعدها.
ما وراء كلمة ( اريد)
التواصل اللفظي مو بس استخدام الكلمات او زيادة عدد المفردات اللغوية على الرغم انها ايضا مهمة
الكمبيوتر على سبيل المثال يقدر يستخدم اللغة .بس ما يكتسب اصدقاء .صحيح في نموذج سن رايز بنسعى لزيادة حجم اللغة وطول الجملة ولكن مو الهدف انه ياخد اكبر قدر منها
لا ، معظم الناس يركزوا على عدد الكلمات اللي يتعلمها الطفل والشيء اللي ممكن يضيع من بالنا انه ايش هي الكلمات اللي حيستخدمها ويوظفها في مكانها.
الوظيفة الاولى لاستخدام الكلمات هو اخذ ما يحتاجونه ( ابغى اكل – ابغى لعبة – ما ابغى استحمى –
واحنا ما نبغى نوقف عند دي المرحلة ، لما ولدك يعدي دي المرحلة مرحلة ابغى كذا او ما ابغى كذا ، تجي مرحلة بناء اللغة تواصلية اكثر:
*الكلام لبدا او اكمال نشاط او لعبة
* شرح او تحدث عن حدث معين عن نشاط او لعبة ما
* مشاركة القصص
* اخبار شخص ما عن ما يشعر به او ما يحبه
* اكتشاف شيء معين عن شخص ما ( ما حب، ما يشعر ، ماذا يريد يفعل بعد ذلك ...الخ)
* مناقشة رؤاه واحلامه وهواياته وكيف يستمتع وقضي وقته
هذه هي وظيفة اللغة اللي تثري التواصل اللغوي
احنا ممكن نبني هذه الاجزاء اللغوية بجعلها اهداف ،اهداف بسيطة
• استخدام كلمات تعبر عن ما يحصل مثل قول كلمة جري لما هو او غيره يجري• التعبير عن شعوره واستمتاعه بشيء ما مثلا لما تضغطي على رجله زي المساج يعني وتقولي الله مرة حلو .
• قول ما يشعر به حاليا
• شرح بعض الارشادات البسيطة للعبة يريد اللعب معك بها
• مشاركتك شيء ما يريده قبل النوم
• قول قصة ما حدثت عن شيء حصل اليوم
• سؤالك عن شيء يخصك
• سؤالك عن ما تريدين
لا لتعليم الطفل التواصل اللفظي من الفراغ
معظم الاباء والامهات وحتى الاخصائيين والمعلمين لديهم رؤية ضيقة عن التواصل اللفظي. هم عارفين اهمية وقيمة اللغة واحنا عارفين اهمية اللغة في حياة اطفالنا لذلك بيكون لتعليم اللغة اولوية مطلقة
ولكن بالنسبة لطفل توحدي اللغة تعتبر جزء من قضية اكبر بكثير .
ولو ما كانت كذلك كان حيكون عندك طفل يشوفك في عينك
ويحب الناس ويلعب بشكل تفاعلي مع غيره وبيتتمتع بمرونة ويضحك لما تنكتي معاه ويفهم الايماءات ويعملها بتلقائية ويفهم تعابير الوجه بمعنى اخر يكون طفلك وقتها بيعاني بس من عجز اللغة
وهذا يختلف عن التوحد
انا قبلت اطفال توحد كثر ومراهقين توحديين ويتحدثون بطلاقة ولكن من غير تواصل بصري من غير تغيير في نبرات صوتهم مثل الرجل الالي من غير تعابير على وجههم ومتعة محدودة.
من جهة ثانية هذا ما يعتبر فشل هنا يعتبروا عبروا في طريق طويل ولكن يقدروا يساعدوا الحالة اكثر باضافة الاجزاء الاخرى اللي تساعد اللغة والتفاعل مع الغير
لا تنسي الوضوح
من النقاط المهمة بالنسبة للغة الطفل هي وضوح اللغة
لازم تتاكدي انه طفلك لغته مفهومة مو بس لافراد العائلة
كيف تقدري تتاكدي؟؟
لازم يكون عندك شخص او اثنين يجوا لبيتك (مو مع بعض كل واحد لوحده) وشوفي اذا يفهموه او لا وكيف درجة وضوح لغته
الامر الثاني اذا كان طفلك يلعب دور الابكم او الابله
اذا جا ولدك وقالك شي بطريقة مو مفهومة او بصوت فيه من البلاهة بس انتي فاهمته وعارفة انه يقدر يتكلم بطريقة احسن من كده
قوليله: شكرا حبيبي انك قلتلي ايش تبغى مني وانا ابغى اجيبلك اللي تبغاه بس ماني فاهمة ايش تقول ممكن تقول اللي تبغاه بشكل ابطا واوضح عشان افهمك .
بعدها انتظري لحظات وانتظري منه انه يحاول ثاني ( حنتكلم عن زيادة رغبة ولدك للمحاولة في فصل اخر مستقل)
هناك عدة طرق لزيادة الوضوح بس الفكرة هنا اننا نهتم باهمية الوضوح لكلام اطفالنا ونفضل نشجعهم على توضيح كلامهم
